EDICTUM THESSALONICENSE. BUSINESS CARD

IMPERATORES GRATIANUS, VALENTINIANUS ET THEODOSIUS AUGUSTI TRES. EDICTUM AD POPULUM URBIS CONSTANTINOPOLITANAE. Cunctos populos, quos clementiae nostrae regit temperamentum, in tali volumus religione versari, quam divinum Petrum apostolum tradidisse Romanis religio usque ad nunc ab ipso insinuata declarat quamque pontificem Damasum sequi claret et Petrum Aleksandriae episcopum virum apostolicae sanctitatis, hoc est, ut secundum apostolicam disciplinam evangelicamque doctrinam patris et filii et spiritus sancti unam deitatem sub pari maiestate et sub pia trinitate credamus. Hanc legem sequentes Christianorum Catholicorum nomen iubemus amplecti, reliquos vero dementes vesanosque iudicantes haeretici dogmatis infamiam sustinere ‘nec conciliabula eorum ecclesiarum nomen accipere’, divina primum vindicta, post etiam motus nostri, quem ex caelesti arbitro sumpserimus, ultione plectendos. DATUM ANTE DIEM TERTIUM KALENDARIUM MARTIAE THESSALONICAE GRATIANO AUGUSTO QUINTO ET THEODOSIO AUGUSTO PRIMO CONSULTIBUS.